​Cm visit video: കേരളത്തിന്റെ നൊമ്പരമായി ആലിൻ ഷെറിൻ; മാതാപിതാക്കളെ നേരിൽ കണ്ട് മുഖ്യമന്ത്രി; അവയവദാനത്തിലൂടെ അഞ്ച് പേർക്ക് പുതുജീവൻ

​മല്ലപ്പള്ളി Cm visit വീഡിയോ : കോട്ടയത്തുണ്ടായ വാഹനാപകടത്തിൽ മസ്തിഷ്ക മരണം സംഭവിച്ച പത്തുമാസം പ്രായമുള്ള കുഞ്ഞ് ആലിൻ ഷെറിൻ എബ്രഹാമിന്റെ വിയോഗം കേരളക്കരയെ ഒന്നടങ്കം കണ്ണീരിലാഴ്ത്തിയിരിക്കുകയാണ്. ദുഃഖാർത്തരായ ആലിന്റെ മാതാപിതാക്കളെ മുഖ്യമന്ത്രി പിണറായി വിജയൻ മല്ലപ്പള്ളിയിലെ വീട്ടിലെത്തി നേരിൽ കണ്ട് ആശ്വസിപ്പിച്ചു.

​തീരാനോവിനിടയിലും മഹത്തായ മാതൃക

​“മുഖ്യമന്ത്രി പിണറായി വിജയൻ ആലിൻ ഷെറിന്റെ വീട്ടിലെത്തി മാതാപിതാക്കളെ ആശ്വസിപ്പിക്കുന്ന വീഡിയോ ദൃശ്യങ്ങൾ SFS MEDIA HUB തങ്ങളുടെ X (ട്വിറ്റർ) പേജിലൂടെ പങ്കുവെച്ചു.”

Pinarayi Vijayan visit Alin Sherin house CM VISIT VIDEO : ​ഏറ്റവും പ്രിയപ്പെട്ട കുഞ്ഞ് വേർപിരിഞ്ഞതിന്റെ തീരാനോവിനിടയിലും ആലിന്റെ അവയവങ്ങൾ ദാനം ചെയ്യാൻ മാതാപിതാക്കളായ അരുൺ എബ്രഹാമും ഷെറിൻ ആൻ ജോണും എടുത്ത തീരുമാനം ലോകത്തിന് തന്നെ വലിയൊരു മാതൃകയാണ്. കരൾ, രണ്ട് വൃക്കകൾ, ഹൃദയവാൽവ്, രണ്ട് നേത്രപടലങ്ങൾ എന്നിവയാണ് ദാനം ചെയ്തത്. ഇതോടെ കേരളത്തിലെ ഏറ്റവും പ്രായം കുറഞ്ഞ അവയവദാതാവായി പത്തുമാസം മാത്രം പ്രായമുള്ള ആലിൻ മാറി.

​രണ്ട് ദിനം മുൻപ് മുഖ്യമന്ത്രി പങ്കുവെച്ച കുറിപ്പ്

​രണ്ട് ദിവസങ്ങൾക്ക് മുൻപ് മുഖ്യമന്ത്രി തന്റെ സോഷ്യൽ മീഡിയ പേജിൽ ആലിനെക്കുറിച്ചും അവളുടെ മാതാപിതാക്കളുടെ മഹത്തായ തീരുമാനത്തെക്കുറിച്ചും ഹൃദയസ്പർശിയായ കുറിപ്പ് പങ്കുവെച്ചിരുന്നു. അതിന്റെ പൂർണ്ണരൂപം താഴെ നൽകുന്നു:

​”കോട്ടയത്തുണ്ടായ വാഹനാപകടത്തിൽ മസ്തിഷ്ക മരണം സംഭവിച്ച പത്തുമാസം പ്രായമുള്ള ആലിൻ ഷെറിൻ എബ്രഹാം എന്ന കുരുന്നിന്റെ വിയോഗം ഏറെ വേദനയുളവാക്കുന്നതാണ്. അവളുടെ അവയവങ്ങൾ ദാനം ചെയ്യാനായി മുന്നോട്ടുവന്ന ആലിന്റെ മാതാപിതാക്കളുടെ തീരുമാനം മഹത്തരമാണ്. ഇതുവഴി 5 പേർക്കാണ് പുതുജീവൻ ലഭിച്ചിരിക്കുന്നത്. ഹെലികോപ്റ്റർ മുഖേന അവയവങ്ങൾ കൊച്ചിയിൽ നിന്നും തിരുവനന്തപുരത്ത് എത്തിക്കാൻ ആലോചിച്ചെങ്കിലും സിവിൽ ഏവിയേഷൻ അനുമതിയില്ലാത്തതിനാൽ റോഡ് മാർഗം വേഗത്തിൽ എത്തിച്ചു. ഇതിനായി പ്രയത്നിച്ച പോലീസിനെയും സഹകരിച്ച ജനങ്ങളെയും അഭിനന്ദിക്കുന്നു.”

​മുഖ്യമന്ത്രി തന്റെ കുറിപ്പിൽ ആരോഗ്യപ്രവർത്തകർ, പോലീസ്, ആംബുലൻസ് ഡ്രைവർമാർ എന്നിവരുടെ കൂട്ടായ പ്രവർത്തനത്തെയും പ്രത്യേകം പ്രശംസിച്ചു. ആലിനിൽ നിന്നും സ്വീകരിച്ച അവയവങ്ങൾ നൽകിയ കുഞ്ഞുങ്ങളുടെ ആരോഗ്യനില മെച്ചപ്പെട്ടുവരുന്നതായും അദ്ദേഹം അറിയിച്ചു.

​ഔദ്യോഗിക ബഹുമതികളോടെ വിട

​അവയവദാന രംഗത്ത് കേരളത്തിന് വലിയൊരു മാതൃക സൃഷ്ടിച്ച ആലിൻ ഷെറിന് നാട് ഔദ്യോഗിക ബഹുമതികളോടെയാണ് വിടനൽകിയത്. മുഖ്യമന്ത്രിയുടെ വീട്ടിലെ സന്ദർശനം ആ കുടുംബത്തിന് വലിയൊരു കരുത്തായി മാറി. സംസ്ഥാന സർക്കാരിന്റെയും നാടിന്റെയും ദുഃഖം മുഖ്യമന്ത്രി കുടുംബാംഗങ്ങളെ അറിയിച്ചു.

About the Author

AFRIN FATHIMA

Administrator

Visit Website View All Posts